इङ्ग्लिश प्रीमियर लीग (ईपीएल) फुटबल टुर्नामेन्टमा चेल्सी शीर्ष स्थानमा, म्यानचेष्टर युनाइटेडको ड्र 14 पोइण्टमा।

इङ्ग्लिश प्रीमियर लीग (ईपीएल)- फुटबल टुर्नामेन्टमा चेल्सीले अन्तिम समयमा हासिल गरेको दुइ गोलको सहायताले शनिवार चेल्सीले रोमाञ्चक जीत हासिल गऱ्यो भने म्यानचेष्टर युनाइटेड ड्र-मा रोकियो। आफ्नो होम ग्राउण्ड स्टेमफोर्ड ब्रीजमा खेल्दै चेल्सीले दशजना खेलाड़ीमा सीमित साउथम्प्टन विरुद्ध 3-1-ले जीत हासिल गऱ्यो। यस जीतको साथै चेल्सी 7 वटा म्याचमा 16 पोइण्टको साथ ईपीएल टेबलको शीर्ष स्थानमा पुग्यो।
यसरी नै, असल लयमा रहने एभर्टनले शक्तिशाली म्यानचेष्टर युनाइटेडलाई 1-1-को ड्र-मा रोक्यो। होम ग्राउण्ड ओल्ड ट्रेफर्डमा 72 प्रतिशत पोजेशनको साथ खेल्दै म्यानचेष्टर युनाइटेडलाई एन्थोनी मार्शियलले 43औं मिनटमै बढ़त दिलाए पनि मध्यान्तरपछि एण्ड्रोस टाउनसेण्डले 65औं मिनटमा गोल गरी एभर्टनलाई 1-1-को बराबरीमा पुऱ्याए। यस ड्र-पछि दुवै टीमसँग 7-7 वटा म्याचपछि 14-14 पोइण्ट रहेको छ तर गोल अन्तरको आधारमा म्यानचेष्टर युनाइटेड तेस्रो र एभर्टन चौथो स्थानमा छ।