मिनग्लासमा पहिलोपल्ट चन्दनसिंह रावत स्पोर्टिङ्ग क्लबले निकाल्यो भव्य रूपमा फूलपाती शोभायात्रा।
मिनग्लास चियाकमानमा यसपल्टको दशैंको शुभ-अवसरमा एउटा अर्को रौनकता थपिएको छ। मिनग्लासमा पहिलोपल्ट चन्दनसिंह रावत स्पोर्टिङ्ग क्लबको तत्वावधानमा भव्य रूपमा शोभायात्रा निकालियो। मिनग्लास गुन्द्री बजारबाट शुरु गरी दालिम कोट, भुट्टाबारी बगान हुँदै गुन्द्री बजारमा आएर शोभायात्रा टुंगियो। नौमती बाजासहित शोभायात्रामा गोर्खाहरूसितै आदिवासीहरूले पनि आनन्दका साथ भाग लिएको देखियो। बेलुकीपख सांगीतिक कार्यक्रमको पनि आयोजना गरिएको थियो।
आयोजक चन्दनसिंह रावत स्पोर्टिङ्ग क्लबको पक्षबाट सबैलाई धन्यवाद दिइयो।